ШУТИС-дээр 2020-2024 онд хэрэгжиж буй БШУЯ-ны захиалгат Монгол-Хятадын хамтарсан “Олон өгөгдлийн уусалд суурилсан хавсарсан үйлчлэл бүхий эмийн хослолын таамаглалын загвар” сэдэвт судалгааны төслийн хоёр талын уулзалт, семинар 2024 оны 6 дугаар сарын 25-28-ны өдрүүдэд ШУТИС дээр зохион байгуулагдлаа.

2024 оны 6 дугаар сарын 27-ны өдөр зохиогдсон уулзалт, семинарыг төслийн Монголын багийн ахлагч ШУТИС-ийн МХТС-ийн КУС-ын профессор И.Цэрэн-Онолт,  БНХАУ-ын багийн ахлагч Анхуй Их Сургуулийн профессор Янсэн Су нар удирдан явуулав.

Энэ удаагийн семинар, хэлэлцүүлэгт Монгол болон Хятад улсуудын талаас хэд хэдэн байгууллага оролцож, илтгэл хэлэлцүүлсэн юм. Тухайлбал, БНХАУ-ын Анхуй Их Сургуулийн Хиймэл Оюуны Сургууль, Шинжаны Анагаахын Их Сургууль, Төв Азийн өндөр тохиолдолт өвчний эмчилгээ, хамгааллын улсын голлох лаборатори (State Key Laboratory), Монголын ШУТИС-ийн Мэдээлэл, Холбооны Технологийн сургууль, Хэрэглээний Шинжлэх Ухааны Сургууль, АШУҮИС-ийн Био-Анагаахын сургууль, МУИС-ийн Генетик инженерчлэлийн лаборатори, Эм Зүйн Шинжлэх Ухааны Сургуулийн эрдэмтэн, судлаачид оролцов.

Мөн хоёр талын эрдэмтэн, судлаачдын цаашдын хамтын ажиллагааны талаарх хэлэлцүүлэг зохион байгуулагдсан бөгөөд АШУҮИС-ийн Био-Анагаахын Хүрээлэнгийн захирал, Др Ч.Баттогтох, ШУТИС-ийн МХТС-ийн Эрдэмтэн нарийн бичгийн дарга, Др Х.Загарзүсэм нар удирдан явуулав.