“Astvision”, “Chimege Systems”, “And Global” зэрэг хамтрагч байгууллагуудын зүгээс практикт тулгамдсан асуудлыг хиймэл оюунаар хэрхэн шийдэж болох даалгаврыг боловсруулсан бөгөөд даалгаварт суурь код болон ашиглах өгөгдлийг хэрхэн бэлтгэх, даалгаврыг гүйцэтгэх талаар сургалт, зөвлөгөөг оролцогч оюутнуудад өгч ажилласан.   

Тэмцээнд оролцогчид суурь моделийг сайжруулах буюу үнэлгээ сайжруулах зарчмаар уралдаанд оролцсон ба Kaggle платформын тусламжтайгаар оролцогчдын үр дүнг онлайнаар, илтгэл хэлбэрээр хүлээн авч тэмцээний шүүгчид үнэлсэн. Үүнд:

1. Чимэгэ Системс ХХК-ийн дэвшүүлсэн даалгаврыг амжилттай гүйцэтгэж манлайлсан - IT Салбарын оюутан Ж.Мөнх-Бадрал
2. Анд Глобал ХХК-ийн дэвшүүлсэн даалгаврыг амжилттай гүйцэтгэж манлайлсан  КУСалбарын оюутан С.Мишээл
3. Аствишн ХХК-ийн дэвшүүлсэн даалгаврыг амжилттай гүйцэтгэж манлайлсан - КУСалбарын оюутан Б.Намуун нар тус тус 1 сая төгрөгийн мөнгөн урамшуулал болон тооцооллын нөөц GPU ашиглах эрхээр шагнууллаа.

Энэхүү хиймэл оюуны арга зүйн ур чадварын тэмцээнд оролцсоноор оюутнууд өөрсдийн техникийн ур чадварыг ахиулахаас гадна зах зээлийн бодит асуудлуудтай танилцаж, асуудал шийдэх ур чадвараа хөгжүүлэх ач холбогдолтой болсон юм.

Мөн https://www.kaggle.com/ платформд тэмцээн үүсгэн оролцогчдын хөгжүүлсэн хиймэл оюуны модель загварыг хүлээн авч, тэдгээр моделийн үнэлгээг автоматаар хийж гүйцэтгэсэнээрээ ирээдүйн ажлын байрны ур чадварын шаардлагад бэлтгэх боломжийг олгож байгаа юм.

Тэмцээнийг зохион байгуулахад гүн туслалцаа үзүүлсэн ивээн тэтгэгч байгууллагууд, болон дэмжин ажилласан компаниуддаа талархал илэрхийлье.

Идэвхтэй оролцсон оюутнууддаа баяр хүргэж, цаашдын сурлага, манлайлалд нь амжилт хүсье.