Х.Загарзүсэм

Х.Загарзүсэм 2004, 2006 онд Монгол Улсын Шинжлэх Ухаан Технологийн Их Сургууль (ШУТИС)-д телевизийн инженерийн бакалавр, магистрын зэргийг тус тус хамгаалсан. 2014 онд Бүгд Найрамдах Солонгос Улсын Жонжу хот дахь Жонбукийн Үндэсний Их Сургуульд докторын (Ph.D) зэрэг хамгаалж, 2014-2016 онд мөн тэндээ докторын дараах судалгаа хийсэн.

2016-2019 онд ШУТИС-ийн Мэдээлэл, Холбооны Технологийн Сургууль (МХТС)-д ахлах багшаар ажилласан. 2019-2021 онд Японы Саппоро хот дахь Хоккайдогийн Их Сургуулийн Электрон Шинжлэх Ухааны Судалгааны Хүрээлэнд зочин судлаачаар ажилласан.

2021 оноос ШУТИС-ийн МХТС-ийн эрдэм шинжилгээ эрхэлсэн дэд захирлаар ажиллаж байна. Судалгааны сонирхлын чиглэл нь хагас дамжуулагч төхөөрөмж, хоёр хэмжээст (2D) материал, хиймэл оюун ухаан юм.